Propozim-vendimi për faljen e tatimit në pronë – Kuvendi Komunal i Prishtinës merr vendim të enjten

Kuvendi Komunal i Prishtinës do të diskutojë të enjten në një seancë të jashtëzakonshme lidhur me propozim-vendimin për faljen e tatimit në pronë.

Kjo seancë do të mbhet më 7 dhjetor duke filluar nga ora 15:00 në sallën e Kuvendit Komunal të Kryeqytetit.

Theksojmë se Ministria e Financave, Punës dhe Transfereve, i ka njoftuar komunat se kanë afat deri më 8 dhjetor për të vendosur lidhur me faljen e tatimit në pronë deri në vlerën prej 100 eurove.

Përmes një komunikate për media nga ministria është thënë se Kushtetuesja i ka dhënë të drejtë Ministrisë për faljen e tatimit, prandaj ua ka lënë në dorë komunave për të vendosur.