Duket se Paris Saint-Germainit i ka dalë mbrëmë totalisht situata nga kontrolli pas eliminimit nga Liga e Kampionëve.
Parisienët e kanë përjetuar rëndë humbjen nga Real Madridi pasi ishin vetëm 45 minuta nga kualifikimi dhe po udhëhiqnin me dy gola pas dy përballjeve.
E pas ndeshjes, nervat e francezëve kanë shkuar në qiell, shkruan “Madrid Zone”, raporton “Gazeta Express”.
Madje, pronari i klubit, Nasser Al-Khelaïfi raportohet se e ka sulmuar një anëtar të stafit të Real Madridit, i cili ishte duke filmuar.
“Do të të vras”, i ka thënë sheiku arab zyrtarit të klubit madrilen.
Por, ishte sigurimi i tij ai që e ndali, ndërsa drejtori sportiv, Leonardo kërkoi që xhirimi të fshihej,
Edhe në dhomat e zhveshjes së PSG-së thuhet se pati përleshje në mes të portierit Gianluigi Donnarumma dhe brazilianit Neymar pasi të dy fillimisht u fjalosën, duke ia vënë fajin njëri tjetrit për humbjen dhe për gabimet që i bënë.
