Skandali kishte shëprthyer para disa javësh në Gjykatën Speciale të Hagës.
Atje, një gardian që kishte punuar në Qendrën e Paraburgimit, ishte bërë pjesë e Prokurorisë.
Këtë, në njërën prej seancave e kishte vërejtuar Hashim Thaçi dhe ai kishte reaguar ashpër. Ndodhi kjo në një seancë e cila ishte private në muaji mars të këtij viti.
Tash, Prokuroria e Specializuar e Hagës po insiston që fjalët e Hashim Thaçit të thëna në seancë private, të mos bëhen publike.Sipas Prokurorisë së Hagës, në seancë private kishte diskutime dhe detaje personale, private dhe profesionale, si dhe akuza, sipas tyre, të pabazuara kundër stafit dhe informacione të brendshme të administratores. Si rezultat, Prokuroria insistoi që transkripti të mbetet konfidencial.
Edhe Zyra Administrative ishte në linjë me Prokurorinë, por që mbrojtja e Kadri Veselit kishte kundërshtuar pretendimet e tyre.Por, gjqytarët e rastit konstatuan se emri i këtij prokurori ishte bërë publik, dhe si rezultat u urdhërua që të bëhen publike fjalët që u thanë në atë pjesë, me përjashtim të disa që sipas gjyqtarëve, ndikojnë në nevojat operacione të Qendrës së Paraburgimit.Historia
Në seancën e 27 marsit të vitit 2025, një prokuror i ri i Prokurorisë së Specializuar në Hagë, u shfaq për herën e parë në seancë. Aty, planifikohej të dëshmonte dëshmitari i fundit në rastin e krerëve të UÇK-së.
Pavarësisht se ish-krerët e UÇK-së ishin në seancë me video-lidhje, me ta parë këtë prokuror në transmetim, Hashim Thaçi nuk u përmbajt. Seanca ishte e mbyllur, dhe për orë të tëra pati diskutime të ashpra.Hashim Thaçi kishte alarmuar se personi që ishte ulur në anën e Prokurorisë së Hagës, kishte qenë punëtor në Qendrën e Paraburgimit ku mbahen ish-krerët e UÇK-së. I kishte ruajtur ata, kishte pasur qasje në biseda e dokumentacione konfidenciale. Madje, ishte i përfshirë në rastin e Prokurorisë për pengim të drejtësisë, ku Prokuroria kishte incizuar bisedat në Qendrën e Paraburgimit, raporton gazeta Nacionale.Kjo situatë alarmoi mbrojtjen e krerëve të UÇK-së të cilët kërkuan të gjitha dokumentacionet për punësimin ekëtij zyrtari, transkriptet dhe detajet e tjera. Megjithatë, gjyqtarëve të Gjykatës Speciale kjo nuk iu duk fort shqetësuese, pavarësisht dyshimeve të mëdha për konflikt të interesit.
“Mbrojtja pohon se: (i) ndërsa punonte në NJQ, [I REDAKTUAR] kishte kontakte të rregullta me katër të Akuzuarit, përmes të cilave ai pati mundësinë të mësonte për shqetësimet dhe preokupimet e tyre të përditshme;24 (ii) ai ishte i përfshirë në [I REDAKTUAR];25iii) informacioni i zbuluar nga ZPS dhe Regjistri në përgjigje të kërkesave të Mbrojtjes nuk i përgjigjet kërkesës së Mbrojtjes në një numër aspektesh të rëndësishme, duke përfshirë natyrën e punës së tij dhe përfshirjen e tij me [I REDAKTUAR]”, thuhet në një vendim të Speciales.
Megjithatë, mbrojtja ka alarmuar se të gjitha kërkesat e tyre nuk janë plotësuar, dhe nuk kanë qasje në dokumente për të vërtetuar nëse ka pasur konflikt të interesit apo jo,Prokuroria u përgjigj duke theksuar se ky person nuk ka pasur qasje në informacione specifike të ndishme, të cilat mund të ndikojnë në rastin e pengimit të drejtësisë, apo në këtë rast.
“Regjistruesi përcaktoi qartë se [REDAKTUAR] nuk kishte qasje në asnjë material të privilegjuar, qoftë dixhital apo fizik, dhe kjo është në përputhje me informacionin në dispozicion të ZPS-së;33 (iii) zbulimi nuk është i justifikuar në rrethanakur baza e supozuar për të është kundërshtuar shprehimisht;34 (iv) në masën që Mbrojtja po përpiqet të zgjerojë bazën e saj për të aksesuar informacionin jo-publik, kjo nuk përmbush testin e zbatueshëm për një konflikt interesi dhe injoron faktin se [REDAKTUAR] është i lidhur nga kushtet e një marrëveshjeje të rreptë moszbulimi (“NDA”) e cila e ndalon atë të zbulojë, ndajë ose përdorë çdo informacion jo-publik të fituar gjatë punësimit të tij të mëparshëm”, thuhet në përgjigjen e Prokurorisë.
