Presidenti ukrainas, Volodymyr Zelensky e quajti takimin mes zyrtarëve amerikanë dhe ukrainas në Arabinë Saudite si “konstruktiv” dhe tha se një armëpushim i mundshëm 30-ditor me Rusinë mund të përdoret për të arritur “një marrëveshje më të gjerë paqeje”.
Në një konferencë në Kiev, Zelenskyy tha se Ukraina mbështet përpjekjet e SHBA-së për t’i dhënë fund pushtimit rus sa më shpejt të jetë e mundur
“Unë jam shumë serioz në lidhje me një armëpushim dhe për mua është e rëndësishme që lufta të përfundojë. Unë dua që Presidenti i Shteteve të Bashkuara ta shohë atë, unë dua që amerikanët ta shohin dhe ta ndjejnë atë. Unë dua që Evropa dhe të gjithë të jenë në aleancë në mënyrë që të bëjnë gjithçka për ta detyruar Rusinë t’i japë fund kësaj lufte. Ne jemi gati për një armëpushim për 30 ditë siç është propozuar nga pala amerikane.
Sa i përket garancive të sigurisë, ne do të flasim për to më në detaje nëse do të ketë armëpushim për 30 ditë. Këto 30 ditë janë dhënë për të përgatitur një draft. Ne kemi propozimet tona, por do të hartojmë hapat që do të bien dakord me aleatët tanë dhe formatet e garancive të sigurisë që do të ketë Ukraina pas përfundimit të luftës.” Sot, gjithçka varet nga fakti nëse Rusia dëshiron të pushojë zjarrin apo të vazhdojë të vrasë njerëz. Sot, ajo varet plotësisht nga ky vend. Shtetet e Bashkuara të Amerikës demonstruan hapat dhe pozicionin e tyre. Ukraina demonstroi dhe përshkruan pozicionet e saj në një mënyrë shumë të drejtpërdrejtë, pa asnjë rezervë. Dhe Rusia do të duhet të përgjigjet për këtë”, tha ai.
