Prishtina po bëhet kryeqyteti i shijes dhe aromës këtë javë, teksa dhjetëra brende prestigjioze të kafesë janë mbledhur për të festuar kulturën e filxhanit më të dashur në botë. Në qendër të këtij eventi që po tërheq vizitorë nga i gjithë rajoni, qëndron Pavin Caffe, marka italiane e cila prej vitesh njihet për traditën, cilësinë dhe pasionin që sjell në çdo gllënjkë.
Në stendën e Pavin Caffe, vizitorët po kanë mundësinë të shijojnë përzierjet unike të kafesë italiane, të përgatitura nga baristat profesionistë. Nga espreso e fortë e deri te kapuçinoja e butë me shkumë kremoze, Pavin po dëshmon pse kafeja e saj konsiderohet një përvojë më vete.
“Për ne, kafeja nuk është vetëm pije, por kulturë, shoqëri dhe moment gëzimi. Jemi të lumtur që këtë energji po e sjellim edhe në Prishtinë, në një festival që përçon dashurinë për kafenë te të gjithë,” tha një përfaqësues i kompanisë gjatë hapjes së festivalit.
Përveç degustimeve falas, stenda e Pavin Caffe po ofron edhe demonstrime të artit të kafesë, ku baristat më të mirë po tregojnë kreativitetin e tyre me latte art, duke bërë që vizitorët të shijojnë jo vetëm aromën, por edhe estetikën e një filxhani perfekt.
Festivali i kafes në Prishtinë nuk është vetëm një vendtakim për dashamirët e kësaj pije, por edhe një mundësi e shkëlqyer për të njohur trendet e reja të tregut. Në këtë skenë, Pavin Caffe po qëndron si simbol i traditës italiane të kafesë, duke i dhuruar kryeqytetit një aromë të veçantë që të mbetet gjatë në kujtesë.
