- Advertisement -
Pas dy humbjeve rresht, Sigal Prishtina është kthyer te fitorja në Ligën ENBL.
Të martën mbrëma në kryeqytet, Sigal Prishtina triumfoi ndaj ekipit nga Çekia, Opava.
Prishtina triumfoi me rezultatin e thellë 102:75 për t’ia shkaktuar Opavas humbjen e parë në ENBL pas katër fitoreve në po aq ndeshje të luajtura.
Prishtina ka tubuar 10 pikë, një më shumë se Opava pasi kjo ishte fitorja e katërt në këtë ligë.
Vetëm çerekun e parë, Prishtina e humbi për t’u rikthyer në çerekët në vazhdim për ta shënuar këtë fitore të thellë.
Më i miri te Prishtina ishte Burns me 27 pikë, 6 kërcime e 7 asistime, duke lënë pas vetes Baileyn me 21 pikë e 9 asistime dhe grekun Vissariou me 20 pikë të shënuara.
