Prania e kamerave në vendvotime si dhe gjatë numërimit të votave janë garanci e rëndësishme që gjërat të bëhen në mënyrë transparente, thotë Nathalie Loiseau, shefe e misionit të BE-së për vëzhgimin e zgjedhjeve në Kosovë.
Nathalie Loiseau tha se votuesit në ditën e zgjedhjeve nuk duhet të kenë frikë, pasi kamerat janë në çdo qendër votimi.
“E dini, roli im është të vlerësoj nëse procesi zgjedhor është në përputhje, së pari me ligjin zgjedhor të Kosovës, së dyti, me standardet ndërkombëtare dhe së treti, me rekomandimet tona të mëparshme. Ky do të jetë busulla ime dhe besoj, siç e thashë edhe në konferencën për shtyp, se prania e kamerave në qendrat e votimit, si dhe gjatë numërimit, është një garanci e rëndësishme që gjërat të bëhen në mënyrë transparente dhe unë e shohin si një hap pozitiv të rekomandimeve tona”, thotë ajo.
