- Advertisement -
Presidentja e Kosovës, Vjosa Osmani, ka reaguar për ngjarjen tragjike në Jabllanicë të Gjakovës, ku tre fëmijë humbën jetën si pasojë e shembjes së një objekti të pabanuar.
Osmani ka shprehur dhimbjen dhe pikëllimin e thellë për këtë tragjedi, duke u shprehur pranë familjarëve në këtë moment të vështirë.
“Me zemër të rënduar dhe dhimbje të thellë morëm lajmin tragjik për humbjen e jetës së tre fëmijëve në Jabllanicë të Gjakovës, të cilët u shuan para kohe si pasojë e rrënimit të një objekti të pabanuar. Nuk ka fjalë që mund ta lehtësojë dhimbjen e familjeve që sot po përballen me boshllëkun e pafund që lë pas humbja e më të dashurve të tyre,” ka shkruar Osmani.
