Shkruan: Kimete Berisha
Presidentja Osmani duhet t’ia ndalojë Putinit hyrjen në komunën e Drenasit dhe në Skenderajit, fillimisht, e pastaj sanksionet ndaj tij të zgjerohen edhe në komunat tjera të Kosovës.
E kemi Presidenten anti-ruse të paepur.
Ajo e urren Putinin me zemër dhe urrejtjen ndaj Putinit e shpreh me protestë, me nervozë dhe me guxim të pashembullt.
Hatri Ukrainës është në gjendje ‘të jap jetën’…tënde.
Po e provokon Rusinë dhe shumë mirë po ia bën.
Zelensky ka filluar të pajtohet me Putinin, e Presidentja Osmani – nuk po lëshon pe.
Nuk falë kjo.
Është shumë e vendosur në luftën e saj kundër Putinit.
Ka krijuar rivalitet falls me Putinin, po sillet si kundërshtarja politike numër një e Putinit në botë. Putini ende nuk i është përgjigjur mllefit të Presidentes Osmani.
Veç përpara Vjollcë…Respekt.
Në kuadër të përgatitjes së saj për luftë, Presidentja i ka kërkuar Albin Kurtin që urgjentisht të distancohet nga Lenini dhe t’i këpus raportet shpirtërore që i ka me të…me një hap para, dy pas…
P.S. Kur buburrecat bëhen bashkë, ta pushtojnē shtëpinë.
Ndoshta, Presidentja e fiton këtë luftë.
Komandantja po këqyr njëherë mos po e fiton luftën, pa pasur nevojë të luftojë, se siç na ka mësuar mjeshtri i luftës, Sun Tzu:
- Luftëtari i vërtetë e fiton luftën, pastaj hyn në luftë; kurse disfatisti: një herë hyn në luftë, pastaj e kërkon fitoren.
Nuk i dihet fatit.
Zoti e ka ngjallur Lazarus-in, katër ditë pasi vdiq dhe u varros!
