Presidenti i Turqisë, Recep Tayyip Erdogan dhe kryeministri i Greqisë, Kyriakos Mitsotakis, në një bisedë telefonike kanë shprehur shpresën se epoka e re pas zgjedhjeve të fundit në të dy vendet është e favorshme për përmirësimin e lidhjeve dypalëshe, transmeton Anadolu.
Siç njofton Drejtoria e Komunikimeve e Turqisë, presidenti Erdoğan e uroi kryeministrin Mitsotakis pasi u betua si kryeministër i Greqisë.
Gjatë bisedës së tyre u theksua se prania e qeverive të fuqishme, duke fituar besimin e popujve të tyre në të dy vendet, paraqet një mundësi për të ardhmen e marrëdhënieve dypalëshe.
Muajin e kaluar, presidenti Erdogan u shpall fitues i raundit të dytë të zgjedhjeve presidenciale turke të 28 majit me 52,18 për qind të votave, vetëm dy javë pasi aleanca e tij elektorale fitoi gjithashtu një shumicë në parlament.
Mitsotakis rimori kryeministrinë greke pas zgjedhjeve të fundjavës, në të cilat partia e tij konservatore, Demokracia e Re, fitoi mbi 40 për qind të votave.
