Presidenti i Ukrainës: Grupet ruse të sabotimit kanë hyrë në Kiev, mua dhe familjen time e kanë objektiv

Presidenti ukrainas, Volodymyr Zelensky, ka thënë se beson që grupet ruse të sabotimit kanë hyrë në kryeqytetin ukrainas, Kiev.

Në një video deklaratë të enjten vonë, ai tha: “Sipas informacioneve tona, armiku më shënoi mua si objektivin nr. 1, familjen time si objektivin nr. 2. Ata duan ta shkatërrojnë Ukrainën politikisht duke shkatërruar kreun e shtetit. Ne kemi informacione se grupet e sabotimit të armikut kanë hyrë në Kiev”.

Ai shtoi: “Unë po qëndroj në lagjen e qeverisë bashkë me të tjerët”.