Presidenti francez, Emmanuel Macron do të presë sot (e mërkurë) presidentin e përkohshëm sirian, Ahmed al-Sharaa në Paris – në vizitën e tij të parë në Evropë, edhe pse al-Sharaa është ende i përfshirë në listën e terrorizmit të BE-së.
“Macron do të rikonfirmojë mbështetjen e Francës për krijimin e një Sirie të re, të lirë, të qëndrueshme dhe sovrane – ku të gjitha nivelet e shoqërisë siriane respektohen”, tha sot Pallati Elysee.
Presidenti francez pritet gjithashtu t’i kujtojë presidentit të përkohshëm kërkesat e tij ndaj qeverisë siriane: Këto përfshijnë, mbi të gjitha, stabilizimin e rajonit, veçanërisht Libanin fqinj, dhe luftimin e terrorizmit.
Një koalicion i udhëhequr nga grupi islamist Hayat Tahrir al-Sham (Organizata për Çlirimin e Levantit, HTS) rrëzoi sundimtarin e hershëm të Sirisë, Bashar al-Assad, në një ofensivë të rrufeshme në fillim të dhjetorit. Udhëheqësi i HTS al-Sharaa u emërua president i përkohshëm, ndërsa al-Assad iku në Moskë.
Edhe pse al-Sharaa që atëherë ka hequr dorë si nga al-Qaeda ashtu edhe nga Shteti Islamik, mbeten dyshime nëse ai e ka braktisur plotësisht ideologjinë ekstremiste.
