Presidenti i FFK-së, Agim Ademi, ka pritur në takim Daniele Bernarde, menaxheri i lartë i licencimit në UEFA, i cili ishte për dy ditë në Kosovë për seminarin me klubet rreth procesit të licencimit për garat evropiane me klubet e Superligës të meshkujve dhe vajzave.
“Pata kënaqësinë që sot ta mirëpres në zyrën time dhe të diskutojmë rreth këtij procesi, rregullorja e të cilit ka pësuar ndryshime. Finalizimi i këtij procesi është një domosdoshmëri për pjesëmarrjen e klubeve në garat e UEFA-s. Gjithsesi zhvillimi që klubet tona kanë shënuar në procesin e licencimit është i jashtëzakonshëm”, ka shkruar Ademi në “Facebook”.
Ai ka thënë se Danielen e ka falënderuar për mbështetjen dhe gatishmërinë e treguar për procesin e licencimit, teksa e ka siguruar se FFK-ja do të vazhdojë të qëndrojë afër klubeve për asistencë në këtë proces.
https://www.facebook.com/share/p/1E4jszN6c4/
