- Advertisement -
Presidenti i Shqipërisë, Bajram Begaj, ka zgjedhur që intervistën e parë për një media kosovare ta jap për televizionin publik të Kosovës. Ai këtë intervistë e ka dhënë nga objekti ku është mbajtur mbledhja e Lidhjes së Prizrenit.
Begaj është presidenti i 7-të i Republikës së Shqipërisë dhe vizitën e parë jashtë vendit prej marrjes së detyrës në korrik e ka bërë në Kosovë ku është takuar me liderë politikë.
Objekti i Lidhjes së Prizrenit është tani një shtëpi-muze ku kujtohet mbledhja e parë e lidhjes politiko-ushtarake shqiptare që për qëllim kishte pavarësinë e Shqipërisë në kufijtë e saj natyralë. Ajo gjendet në Prizren, qytet të cilin Begaj e vizitoi sot.
