Presidenti i Federatës së Futbollit të Kosovës, Agim Ademi, ka qëndruar mbrëmë në Tetovë në një darkë solemne të organizuar nga pronari i FC Shkëndija, biznesmeni i njohur Lazim Destani, dhe kryetari i Komunës së Tetovës, Bilall Kasami.
Në këtë ngjarje ishin të pranishëm edhe zv/Presidenti i UEFA-s dhe njëherësh presidenti i Federatës Shqiptare të Futbollit, Armand Duka, si dhe presidenti i Federatës së Futbollit të Maqedonisë së Veriut, Masar Omeragiç. Të gjithë së bashku inspektuan nga afër punimet që po zhvillohen në projektin e ndërtimit të Stadiumit të Qytetit në Tetovë.
Stadiumi i ri synon t’i plotësojë standardet e Kategorisë 4 të UEFA-s dhe pritet të ketë një kapacitet prej rreth 10 mijë ulësesh, duke e shndërruar Tetovën në një qendër moderne sportive.
Projekti po realizohet nga Komuna e Tetovës, në bashkëpunim të ngushtë me Federatën e Futbollit të Maqedonisë së Veriut dhe klubin FC Shkëndija, ndërsa pritet të sjellë standarde të reja në infrastrukturën futbollistike të rajonit.
Postimi i plotë:
Sot qëndrova në Tetovë, në një darkë solemne të organizuar nga pronari i FC Shkëndija, z. Lazim Destani, biznesmen i suksesshëm dhe drejtues i kompanisë Ecolog, si dhe nga kryetari i Komunës së Tetovës, z. Bilall Kasami.
Në këtë takim bashkë me zv/Presidentin e UEFA-s, njëherësh presidentin e Federatës Shqiptare të Futbollit, Armand Duka dhe presidentin e Federatës së Futbollit të Maqedonisë së Veriut, Masar Omeragiç, pamë nga afër punimet që po kryhen në projektin e ndërtimit të Stadiumit të Qytetit në Tetovë, i cili synon t’i plotësojë standardet e Kategorisë 4, me një kapacitet prej rreth 10,000 ulësesh.
Projekti do të realizohet nga Komuna e Tetovës në bashkëpunim të ngushtë dhe me mbështetjen e Federatës së Futbollit të Maqedonisë së Veriut dhe klubit FC Shkëndija.
