Sot në Monaco është tërhequr shorti i fazës së grupeve në UEFA Conference League, ku ka marrē pjesë edhe presidenti Agim Ademi, ku për herë të parë në historinë e tij dhe të futbollit të Kosovës, kampioni FC Drita do të garojë mes ekipeve më të mira të Evropës, shkruan Scanner.
Në grupin e saj, Drita do të përballet me skuadra të njohura si AZ Alkmaar (Holandë), Omonia (Qipro), Rayo Vallecano (Spanjë), KuPS Kuopion (Finlandë), Shelbourne (Irlandë) dhe Shkëndija e Tetovës (Maqedoni e Veriut).
“Ky kualifikim historik konsiderohet një sukses i madh për futbollin kosovar, duke e futur Kosovën në hartën e garave prestigjioze evropiane. Pjesëmarrja e Dritës shihet jo vetëm si arritje e klubit, por edhe si një promovim i fuqishëm për futbollin dhe sportin kosovar në përgjithësi”, ka shkruar Ademi.
Me këtë rast, drejtues të sportit në vend kanë uruar Dritën për suksesin e arritur dhe kanë shprehur bindjen se klubi gjilanas do ta përfaqësojë Kosovën me dinjitet dhe krenari në arenën evropiane.
Postimi i plotë:
🇽🇰⚽️ Sot në Monaco mora pjesë në shortin e fazës së ligës në UEFA Conference League, ku për herë të parë në historinë e tij, kampioni ynë FC Drita do të garojë mes më të mirëve.
Në këtë garë prestigjioze, Drita do të ketë përballë ekipe të njohura, si AZ Alkmaar, Omonia, Rayo Vallecano, KuPS Kuopion, Shelbourne dhe Shkëndija e Tetovës.
Pjesëmarrja e Dritës në këtë garë të jetë promovim i mirë i futbollit tonë në arenën evropiane, që po vazhdon të rritet dita-ditës dhe të bëhet pjesë e rëndësishme e hartës së futbollit evropian.
I uroj suksese Dritës dhe besoj fuqishëm se do të na përfaqësojë denjësisht dhe me krenari në këtë garë.
#BashkëPërFutbollin
