Presidenti i Federatës së Futbollit të Kosovës (FFK), Agim Ademi, ka uruar Dritën për kualifikimin historik në fazën e ligës në UEFA Conference League.
“Kjo arritje dëshmon organizimin e shkëlqyer të klubit, shpirtin luftarak të futbollistëve dhe punën e palodhur të stafit në krye me trajnerin Zekirija Ramadani. Njëkohësisht, kjo është një dëshmi e rritjes së futbollit tonë dhe e një kampionati rivalizues e me plasman plotësisht meritor. Ju lumtë kampionë! 💙🤍”, ka shkruar Ademi në urimin e tij.
Urimi i plotë:
Urime Drita FC për suksesin historik! 🎉🏆
Një natë magjike për futbollin tonë në Luksemburg ✨⚽
FC Drita është kualifikuar në fazën e ligës në UEFA Conference League, një arritje kjo historike për klubin dhe një tjetër sukses i madh për futbollin e Kosovës në arenën evropiane. 🌍🇽🇰
🎉 Fitorja edhe në ndeshjen e kthimit ndaj Differdange 03, me rezultat 1:0 dhe kualifikimi me shifrat e përgjithshme 3:1, na bëri të lumtur e krenarë të gjithëve.
👏 Përgëzime për futbollistët, stafin teknik, drejtuesit e klubit dhe tifozët ‘Intelektualët’, që besuan, punuan dhe në fund ia dolën t’i gëzohen këtij suksesi.
💪 Kjo arritje dëshmon organizimin e shkëlqyer të klubit, shpirtin luftarak të futbollistëve dhe punën e palodhur të stafit në krye me trajnerin Zekirija Ramadani. Njëkohësisht, kjo është një dëshmi e rritjes së futbollit tonë dhe e një kampionati rivalizues e me plasman plotësisht meritor.
Ju lumtë kampionë! 💙🤍
Ju priftë e mbara në short dhe në ndeshjet e fazës së ardhshme! 👏👏👏
