Kryetari i Federatës së Futbollit të Kosovës, Agim Ademi, ka zhvilluar një darkë miqësore dhe produktive me ambasadorin e Mbretërisë së Bashkuar në Kosovë, Jonathan Hargreaves. Në takim ishte i pranishëm edhe futbollisti kosovar, Faton Paqarada.
Ademi bëri të ditur se gjatë takimit u diskutua për mundësitë e reja të bashkëpunimit në fushën e futbollit, zhvillimin e projekteve të përbashkëta dhe mbështetjen për talentet e rinj në Kosovë.
“Sonte pata kënaqësinë të kem një darkë shumë miqësore dhe produktive me ambasadorin e Mbretërisë së Bashkuar, Jonathan Hargreaves, ku ishte i pranishëm edhe miku ynë dhe i sportit kosovar, Faton Paqarada. Ashtu sikurse miqësia mes dy vendeve tona, edhe ne diskutuam për mundësitë e reja të bashkëpunimit në fushën e futbollit,” ka shkruar Ademi.
Ai ka falënderuar ambasadorin Hargreaves për gatishmërinë dhe përkushtimin në avancimin e partneritetit në të mirë të sportit dhe komunitetit.
Postimi i plotë:
Sonte pata kënaqësinë të kem një darkë shumë miqësore dhe produktive me ambasadorin e Mbretërisë së Bashkuar, Jonathan Hargreaves, ku ishte i pranishëm edhe miku ynë dhe i sportit kosovar, Faton Paqarada. 🇽🇰🤝🇬🇧
Ashtu sikurse miqësia mes dy vendeve tona, edhe ne diskutuam për mundësitë e reja të bashkëpunimit në fushën e futbollit, zhvillimin e projekteve të përbashkëta dhe mbështetjen për talentet e rinj.
E falënderoj ambasadorin Hargreaves për gatishmërinë dhe përkushtimin që të avancojmë partneritetin tonë në të mirë të sportit dhe të komunitetit.
#BashkëPërFutbollin
#BashkëPërFutbollin 🇽🇰🤝🇬🇧
