Presidenti i FFK, Agim Ademi, së bashku me kryetarin e Lidhjes Rajonale të Futbollit të Gjilanit, Armend Misini, zhvilluam një takim me kryetarin e Komunës së Gjilanit, Alban Hyseni, raporton Scanner
Ademi ka shkruar ne Facebook se nga dita e mërkurë do të nisin punimet për ndërtimin e fushës për KF Studentin.
Postimi i plotë:
Së bashku me kryetarin e Lidhjes Rajonale të Futbollit të Gjilanit, Armend Misini, zhvilluam një takim të frytshëm me kryetarin e Komunës së Gjilanit, Alban Hyseni. Në qendër të diskutimeve ishte projekti për ndërtimin e fushave të reja të futbollit si pjesë e Memorandumit të Bashkëpunimit ndërmjet Federatës së Futbollit të Kosovës dhe Komunës së Gjilanit.
Lajm i shkëlqyer vjen për KF Studentin, pasi që nga dita e mërkurë do të nisin punimet për ndërtimin e fushës së tyre. Fshati Dobërçan do të pajiset me një fushë moderne, e cila do të krijojë kushte më të mira për zhvillimin e futbollit dhe përfshirjen aktive të komunitetit lokal.
Po ashtu, u diskutua edhe për projektin e radhës, ndërtimin e një fushe të re futbolli në fshatin Livoç, që pritet të fillojë së shpejti.
Në emër të FFK-së, e falënderova kryetarin Hyseni për gatishmërinë dhe përkushtimin e tij në avancimin e infrastrukturës sportive në komunën e Gjilanit, si dhe për mbështetjen konkrete në zhvillimin e sportit dhe të rinjve në këtë rajon.
