Kryetari i Federatës së Futbollit të Kosovës, Agim Ademi, ka shprehur ngushëllimet e tij për ndarjen nga jeta të vokalistit legjendar të grupit “Ilirët”, Shemsi Krasniqi – Shemi.
Ademi theksoi se kënga ikonë “Xhamadani vija vija” nuk ishte thjesht një krijim muzikor, por u shndërrua në një himn frymëzues për futbollistët dhe tifozërinë e Kosovës dhe Shqipërisë.
“Jehona e kësaj kënge ka mbushur stadiumet me emocion dhe krenari dhe do të vazhdojë të këndohet me të njëjtin pasion,” u shpreh Ademi.
Sipas tij, me ndarjen nga jeta të Shemit, muzika dhe futbolli humbën një yll të madh, por trashëgimia e tij artistike do të mbetet e gjallë përjetësisht.
Në fund, Ademi u shprehu ngushëllime familjes, komunitetit të artistëve, miqve dhe të gjithë fansave të tij, duke e përmbyllur mesazhin me fjalët:“Pushofsh në paqe, mjeshtër i madh!”
Postimi i plotë:
Me dhimbje të thellë mora lajmin për ndarjen nga jeta të vokalistit legjendar të grupit ‘Ilirët’, Shemsi Krasniqi – Shemi.
Kënga e tij ikonë “Xhamadani vija vija”, nuk është thjesht një këngë; ajo u shndërrua në një himn frymëzues për futbollistët dhe tifozërinë e Kosovës dhe Shqipërisë.
Jehona e kësaj kënge ka mbushur stadiumet me emocion dhe krenari dhe do të vazhdojë të këndohet me të njëjtin pasion.
Sot, muzika dhe futbolli humbën një yll, por trashëgimia artistike e Shemit do të qëndrojë përjetësisht mes nesh.
Ngushëllime familjes, komunitetit të artistëve, miqve dhe të gjithë fansave të tij.
Pushofsh në paqe, mjeshtër i madh! 🕊️
