Në Mitrovicën e Veriut sot nisi Java e Grassroots si një fillim i mbarë i një shprese të re.
Të rinj e të reja u bashkuan në fushë për të ndërtuar ura që vetëm futbolli mund t’i krijojë.
Ky është qëllimi i vërtetë i Grassroots, futbolli që flet gjuhën e dashurisë, respektit dhe bashkëjetesës.
Çdo top i gjuajtur, çdo buzëqeshje e një fëmije, çdo duartrokitje është një motiv shtesë për zhvillimin e tyre të mëtejshëm si lojtarë, por mbi të gjitha si njerëz.
Java e Grassroots është një rikujtim i fuqisë së madhe që sjell magjia e futbollit, duke bashkuar të gjithë, pa dallim.
“Kënaqësi dhe nder i veçantë të jem pjesë e këtij aktiviteti, ku fëmijët u bashkuan në fushë për të përjetuar emocionin që vetëm futbolli mund ta sjellë”, ka shkruar Ademi.
Postimi i plotë:
Me futbollin si gjuhë të përbashkët të respektit, e nisëm Javën e Grassroots sot në Mitrovicën e Veriut.
🤩Kënaqësi dhe nder i veçantë të jem pjesë e këtij aktiviteti, ku fëmijët u bashkuan në fushë për të përjetuar emocionin që vetëm futbolli mund ta sjellë.
🏃♂️🏃♀️Grassroots nuk është vetëm lojë futbolli, është edukim, zhvillim dhe bashkim. Është themeli mbi të cilin ndërtojmë një të ardhme më të mirë për fëmijët tanë – futbollistët e së ardhmes.
😀FFK do të vazhdojë me përkushtim të mbështesë projekte të tilla kudo në Kosovë, sepse besojmë se çdo fëmijë meriton të rritet me vlerat që i mëson futbolli: respektin, bashkëpunimin dhe punën e palodhur.
⏭️Sot ishte vetëm dita e parë. Java e Grassroots sapo ka nisur dhe FFK është përkujdesur që të ketë aktivitete gjithandej Kosovës!
#BashkëPërFutbollin #UEFAGrassrootsWeek
