- Advertisement -
Presidenti i SHBA-ve Joe Biden ka fituar zgjedhjet paraprake demokrate në Karolinën e Jugu, për presidencialet. Sipas “Nbc News”, Biden ka marrë 97.4% të votave, me 6% të votave të numëruara tashmë.
Fitorja e presidentit ishte pritur gjerësisht nga sondazhet, të cilat konfirmuan një avantazh dërrmues ndaj kongresmenit Dean Phillips, nga Minesota, dhe shkrimtares Marianne Williamson.
Në rrezik në Karolinën e Jugut janë 55 delegatë nga 2000 që nevojiten për të fituar nominimin presidencial demokrat në nëntor. Përballë Biden pritet të jetë ish-presidenti Donald Trump.
