Ramiz Lladrovci, kryetar i Komunës së Drenasit dhe kandidat për edhe një mandat, ka dërguar një mesazh të qartë për qytetarët e komunës, duke u shprehur se disa po fokusohen vetëm te “lisi” dhe nuk po e shohin “malin”.
“Qytetarëve të mirë, atdhetarëve të devotshëm e punëtorë të Drenasit, gjashtë herë kampion të performancës, edhe një herë u vije oferta e lodhtë nga ata që nuk e presin. Besnikët e Hashim Thaçit e Kadri Veselit, janë besnik të UÇK-së e PDK-së, por jo edhe të ‘Dadës Razë’ e votimit symbyllur”, ka deklaruar Lladrovci.
Ai ka theksuar se qytetarët e Drenasit e dallojnë veprën nga mashtrimi, kampionin nga bedeli dhe profilin origjinal nga imitimi, duke shtuar se tashmë janë përcaktuar me 101 arsye “Për Drenasin Kampion”.
Lladrovci ka bërë thirrje që qytetarët të mos bien pre e përçarjes, shpifjes apo dezinformimit, duke theksuar se fitoren e tij nuk mund ta ndalë askush.
Postimi i plotë:
Prej lisit, nuk po e shohin malin!
Qytetarëve të mirë, atdhetarëve të devotshëm e punëtorë të Drenasit, gjashtë herë kampion të performancës, edhe një herë u vije oferta e lodhtë nga ata që nuk e presin.
Besnikët e Hashim Thaçi e Kadri Veselit, janë besnik të UÇK-së e PDK-së, por jo edhe të “Dadës Razë” e votimit symbyllur.
Qytetarët e Drenasit e dallojnë mirë veprën nga mashtrimi, e dallojnë kampionin nga bedeli, e dallojnë profilin origjinal nga imitimi. Ata, tashmë janë përcaktuar, me 101 arsye, “Për Drenasin Kampion”.
Ftoj qytetarët e komunës së Drenasit të mos bien pre e përjashtimit publik, të mos ndjehen të fyer nga etiketat që ju vihen në media dhe mos e vlerësoni përçarjen, shpifjen apo dezinformimin, sepse, fitorën tonë nuk mund ta ndalë askush.
Ftoj liderët e partive ta lënë Drenasin dhe qytetarët në dimensionin e vet, ashtu siç janë, shihni e bëni propagandë në degët “e mëdha”, duke filluar nga kryeqendra dhe komunat që tashmë i keni ftuar qytetarët pa dallim të votojnë për kryetarët “e suksesshëm” gjë që duan t’i pengojnë qytetarët kampionë ta votojnë kryetarin kampion.
Nga lisi që e kanë përpara, disa nuk po e shohin malin!
