Kombëtarja e Portugalisë ka shënuar fitore minimale në udhëtim te Sllovakia, derisa Kroacia “shkatërroi” Letoninë.
Portugezët fituan me rezultat minimal 0:1, sfidë që doli të jetë shumë e barabartë.
Golin e vetëm në takim e realizoi mesfushori Bruno Fernandes, që realizoi një supergol nga distanca (43’).
Ndeshja ishte shumë e baraspeshuar me dy skuadrat që kishin raste të njëpasnjëshme, mirëpo u mungoi finalizimi.
Vlen të ceket edhe se Cristiano Ronaldo mori karton të verdhë pas një ndërhyrje mjaftë të rëndë, ku si pasojë do të mungojë në ndeshjen e radhës ndaj Luksemburgut.
Sllovakia gjithashtu kishte një rast të artë shënimi me Milan Skriniar, mirëpo ylli i PSG-së dështoi nga afërsia.
Kësisoj, Portugalia vazhdon me rekordin e pamposhtur në grupn J me 15 pikë derisa Sllovakia renditet e dyta me 10 sosh.
Në anën tjetër, Kroacia ishte shumë e fuqishme për Letoninë me rezultat të thellë 5:0.
Bruno Petkovic kaloi Kroacinë në epërsi pas vetëm tre minutave loje më një gol nga gjuajtja e lirë.
Ndërsa, Luka Ivanusec dyfishoi epërsinë duke realizuar pas një topi të kthyer (13’).
Kroacia vazhdoi fuqishëm me Petkovic që realizoi edhe golin e dytë personal në përfundimin e pjeës së parë (44’).
Fitoren e kroatëve e vulosën golat e Kramaricit (68’) dhe Pasalic (78’).
Kësisoj, Kroacia momentalisht renditet në pozitën e tretë me shtatë pikë në grupin D, derisa Letonia vazhdon të qëndrojë në fund pa pikë.
