Politikani serb me flamur në dorë lexon ligjin policëve në veri, largohet nga objekti i komunës

Politikani serb, Aleksandar Arsenijeviq, sot, është paraqitur në afërsi të objektit të Komunës së Zveçanit.

Arsenijeviq, përmes lidhjes live në Facebook shihet me flamurin serb në dorë dhe me disa dokumente e artikuj të publikuar në media, ku edhe bisedon me disa pjesëtar të Njësisë Speciale që janë në hyrje të objektit të komunës.

Megjithatë, Njësia Speciale i ka kërkuar mirëkuptim derisa i thotë që të largohet nga vendi i ngjarjes.

Siç shihet në video, njëri nga pjesëtarët e Njësisë Speciale, bisedon me komandantin, ku ky i fundit thotë që do të vijë në objektin e komunës dhe të bisedojë me politikanin serb. /teve1.info/