Policia e Kosovës njoftoi se kanë gjetur më shum se tre kilogramë marihuanë të fshehur në ulëse të një veture.
Fillimisht u tha se në ulësen e parme të veturës u gjetën 1.8 kilogramë, ndërsa në ulësen e pasme po ashtu gatise e njëjta sasi.
Postimi i plotë:
Dërgon veturën për riparim të ulëses zbulohet marihuanë e fshehur,
policia pas kontrollit të detajuar gjen sasinë tjetër dhe po merret me hetimin e rastit
Prishtinë, më 11 maj 2025
Më datë 10.05.2025, rreth orës 21:00, Policia e Kosovës, konkretisht hetuesit e antidrogës në Gjilan kanë pranuar informatë nga një qytetar i cili, gjatë riparimit të ulëses së veturës së tij në Kamenicë, ka gjetur dy paketime të dyshuara me substancë narkotike.
Në vendin e ngjarjes janë gjetur rreth 1.8 kg marihuanë dhe vetura është sekuestruar për kontroll të mëtejshëm.
Më datë 11.05.2025, pas kontrollit të detajuar në stacionin policor në Gjilan, në ulësen e përparme të pasagjerit janë zbuluar edhe 1.873 kg shtesë të të njëjtës substancë.
Sasia totale e sekuestruar është rreth 3.6 kg marihuanë.
Lidhur me rastin është njoftuar Prokurori i Shtetit dhe hetimet janë duke vazhduar për identifikimin e personave të përfshirë.
