Policia e Kosovës u bëri thirrje qytetarëve të kenë kujdes të shtuar në trafik, gjatë lëvizjes së makinerive bujqësore.

Policia përmes një njoftimi ftoi që të respektohen rregullat e trafikut rrugor, të përdoret material reflektues dhe trekëndësh i sigurisë, të pastrohet dhe të zëvendësohet materiali reflektues.

Ndërsa, autoritetet ftuan që të mos drejtohet vetura nën ndikim të alkoolit, të mos qëndrohet në anësoret e mjeteve të punës, të mos përdoret telefoni gjatë drejtimit dhe të mos vozitet me lodhje.

“Shoqërohuni nga mjeti përcjellës, përdorni mjete reflektuese, shmangu nga trafiku i dendur dhe shmangni ngasjen në mot të lig”, thuhet në rekomandimet e Policisë.

https://m.facebook.com/story.php?story_fbid=580818140925115&id=100069908031425&mibextid=Nif5oz