Podujevë: Policët sulmohen nga familjarët e personit që arrestuan

Gjatë ditës së djeshme një njësi policore është sulmuar në rrugën “Fitorja” në Podujevë.

Policët janë sulmuar nga familjarët e një personi që kishin shkuar për ta arrestuar.

Me këtë rast siç bëhet e ditur në raportin 24 orësh të policisë janë arrestuar edhe tre të dyshuar.

“Rruga “Fitorja”, Podujevë, 20.04.2023-18:43. Njësia policore gjatë arrestimit të një personi që kishte urdhër arrest, janë sulmuar nga familjarët e të dyshuarit. Në këtë rast janë arrestuar tre të dyshuarit meshkuj kosovarë. Pas intervistimit me urdhër të prokurorit rasti trajtohet në procedurë të rregullt, ndërsa i dyshuari me urdhër-arrest dërgohet në vuajtje të dënimit” thuhet në raport.