Në varrezat ortodokse serbe në Ferizaj ka shpërthyer zjarri të hënën aksidenatlisht sipas njoftimit të policisë gjatë kryerjes së një riti fetar nga një i moshuar serb.
Siç njofton Policia e Kosovës përmes një komunikate, incidenti dyshohet të ketë ndodhur pasi një qytetar ndezi qirinj te varrezat.
“Sot, rreth orës 11:30 policia e stacionit në Ferizaj ka pranuar një informacion për një incident zjarri në rrugën ‘’Sali Çeku’, përkatësisht në varrezat ortodokse serbe në Ferizaj. Është njoftuar Brigada e Zjarrëfikësve në Ferizaj, të cilët kanë dalë në vendin e incidentit dhe e kanë shuar zjarrin nga disa barishte. Më herët patrulla policore kishte vërejtur një person, i cili kishte ndezur qirinjë në tokë dhe nga aty zjarri ishte zgjeruar”, njofton PK.
Hetuesia ka identifikuar të dyshuarin, shtetas i Serbisë, i cili ka deklaruar se zjarri është shkaktuar aksidentalisht gjatë ritualit te varrezat.
I njëjti është liruar me procedurë të rregullt.
