Google Pixel Watch është prej disa vitesh në zhvillim megjithatë në vend që të rritej si produkt, në fakt ka shënuar regres.
Një vit më pas dhe kompania shpreson se ka ardhur koha që të krijojë një përshtypje të re tek konsumatorët me Pixel Watch 2.
Prezantuar në evenimentin Made by Google ditën e Mërkure, Pixel Watch 2 premton gjurmim më të mirë të shëndetit dhe fitnesit, jetëgjatësi dukshëm më të lartë, integrim më të mirë me shërbimet e Google.
Për më tepër kasa e orës është e përbërë prej 100 përqind alumin të ricikluar. Gjurmimi i përmirësuar i shëndetit dhe fitnesit vjen si rezultat i sensorëve të rinj të ritmit të zemrës dhe monitorimit të oksigjenin në gjak.
Një sensor i ri cEDA dhe sensor temperature vinë nga orët Fitbit siç është modeli Sense 2. Do të përdoren për të matur nivelet e stresit dhe nëse identifikon një ndryshim tu kërkojë që të shpreheni ose të bëni ushtrime frymëmarrjeje.
Ka shumë ngjashmëri me modelin e parë por kompania e ka bërë kurorën më të madh. Rripat e ridizajnuar do të jenë më të lehtë dhe më të rehatshëm sesa modelet e vitit të kaluar thotë kompania.
Por ky debutim nuk do të kishte kuptim nëse nuk ka AI në të. Kompania thotë se përmes machine learning ora mund të ofrojë më shumë informacion rreth gjendjes së trupit të përdoruesit.
Në aspektin e softuerit, WearOS 4 sjell funksionalitete si Safety Check me të cilin mund të ndani vendndodhjen me miqtë dhe familjen. Modeli i parë i Pixel Watch është ndërtuar në çipin Samsung Exynos 9110 që daton nga 2018. Këtë vit gjërat kanë shkuar në favor të çipit me katër bërthama Snapdragon Wear 5100 shoqëruar nga bashkë-procesori Cortex M33, 32GB eMMC hapësirë dhe 2GB RAM.
Premtimi më i madh i këtij çipi është jetëgjatësia e baterisë. Me kapacitet prej 306mAh, duhen 5 minuta më pak për ta karikuar krahasuar me modelin e vitit të kaluar.
Ekrani 320ppi AMOLED me ngjyra DCI-P3 dhe ndriçim prej 1000nits mbulohet nga shtresa mbrojtëse Gorilla Glass 5. Konektiviteti mbetet i pandryshuar me 4G, UMTS, Bluetooth 5.0 dhe Wi-Fi 4.
Pixel Watch 2 është i disponueshëm për tu blerë nga dita e sotme për 349 dollarë për modelin vetëm Wi-Fi. /PCWorld Albanian/
