Avioni i American Airlines edhe helikopteri Black Hawk po transmetonin informacione për shtigjet dhe lartësinë e tyre përpara rrëzimit.
Që të dy po transmetonin lloje të ndryshme sinjalesh, ata u panë në një faqe interneti gjurmuese të quajtur ADS-B Exchange teksa i afroheshin njëri-tjetrit.
Avioni po dërgonte sinjale ADS-B, ndërsa helikopteri Black Hawk përdorte një sistem tjetër të quajtur MLAT.
Avionë të tillë kanë sisteme në bord për të zbuluar fluturimet në afërsi, duke përfshirë një Sistem Shmangie të Përplasjeve në Trafik (TCAS).
Doug Rice, një pilot në pension i American Airlines, i tha transmetuesit NBC se TCAS nuk është efektiv nën 213 metra.
Të dhënat nga faqja e gjurmimit tregojnë se avioni i American Airlines kishte qenë në një zbritje të qëndrueshme duke iu afruar Aeroportit Kombëtar të Uashingtonit Ronald Reagan nga jugu. Helikopteri po fluturonte nga veriu, përgjatë lumit Potomac, gjithashtu në një shteg zbritës.
Lartësia e fundit e regjistruar e avionit pak para përplasjes ishte rreth 200 metra bmi tokën
