Kalvin Phillips i Manchester City është duke kërkuar klub të ri në janar pasi nuk arriti të depërtojë në ekipin e parë nën drejtimin e Pep Guardiolës.
Sipas, The Mirror, kampionët e Bundesligës, Munich, janë në mesin e klubeve që po e konsiderojnë nënshkrimin e anglezit.
Mesfushori ka nisur vetëm dy ndeshje në Premier League që kur përfundoi transferimin e tij prej 45 milionë funtesh nga Leeds në korrik 2022, dhe ai ka luajtur vetëm 70 minuta në Prmier League këtë sezon.
Në verë, Bayern kishte Phillips në listën e tyre të ngushtë përpara se të vendoste të shkonte për Joao Palhinha të Fulham në një lëvizje të dështuar.
Kampionët në fuqi të Premier League thuhet se janë edhe një herë të hapur ndaj idesë së një largimi në huazim, por duke marrë parasysh që Phillips nuk është vendosur ende në Manchester, një transferim i përhershëm mund të preferohet.
Phillips aktualisht është i përfshirë me kombëtaren e Anglisë dhe ka të ngjarë të luajë në ndeshjen e tyre kualifikuese për Euro kundër Italisë më 17 tetor.
