Pyetja e të gjitha pyetjeve është se si dhe nëse ata flenë fare, duke qenë se shtretërit e tyre janë në vende të tmerrshme.
Mund të jetë, për shembull, shtëpia Phoenix në Ishullin e Madh “Big Island” në Havaje, rrezikshmërisht afër rrjedhës së lavës së vullkanit Kilauea, aktualisht një nga më aktivët në botë; një kub xhami në një shkëmb mbi liqenin Michigan, i cili thuhet se u reziston erërave deri në 145 km në orë, transmeton telegrafi.
Në “meny” është Foleja e Tigrit në Butan, e cila, në një lartësi prej gati 1000 metrash, mund të arrihet pas një ecjeje prej dy orësh nëpër shkëmbinj të thepisur; shtëpi të varura në Cuenca, Spanjë; Klif pesëkatësh në Victoria (Australi), i ndërtuar drejtpërdrejt në një faqe vertikale të shkëmbit, çatia e të cilit shërben si një garazh në të cilin, meqë ra fjala, mund të futni gjithçka dhe çdo gjë.
Këto shtëpi gjithmonë kanë mysafirë, dhe ju – a jeni gati të bëni një sy gjumë në disa prej tyre?
Ishulli Elliðaey, Islandë
Disave u pëlqen të shijojnë vetminë, por pyetja e madhe është nëse do të mund ta përballonin jetën në shtëpinë më të izoluar në botë në ishullin Elliðaey, i cili ndodhet në bregun jugor të Islandës.
Ka kohë që është përdorur si shtëpizë gjuetie dhe në ishull ka edhe një magazinë të rrënuar ku qëndronin shkencëtarët. Rrethina është e bukur, por qëndrimi është i rrezikshëm. Nëse lëndoni këmbën, digjni veten ose keni temperaturë të lartë – doktorin vetëm mund ta ëndërroni!
Chemosphere, Los Angeles (SHBA)
Një shtëpi tetëkëndore njëkatëshe prej rreth 670 metrash katrorë mbështetet në një shtyllë betoni pak më shumë se nëntë metra të lartë dhe vetëm një metër e gjysmë të gjerë! Është projektuar nga John Lautner në vitin 1960.
Dikur quhej shtëpia më moderne në planet, por fakti që shtëpia është ndërtuar në një pjerrësi 45 shkallë shkakton frikë shtesë.
Ishulli Hub, Shteti i Nju Jorkut (SHBA)
Ndodhet në lumin St. Lawrence, në pjesën veriore të shtetit të Nju Jorkut, në kufirin mes SHBA-së dhe Kanadasë.
Ka një sipërfaqe të pakët 900 metra katrorë, e cila është e mjaftueshme për një apartament, një pemë dhe – një plazh modest.
Familja Sizeland e bleu ishullin në vitet 1950 me synimin për ta përdorur atë si një vendstrehim. Por pakkush mund të shpëtojë nga rrjedha e papritur e lumit!
Kasollja Solvay, Zvicër
Një kasolle e vogël e fshehur në anën e Matterhorn në Alpe u ndërtua posaçërisht për alpinistët. Nuk është një hapësirë e madhe, por mund të strehojë 10 persona dhe ka një linjë telefonike emergjence.
Por në rast të një orteku apo ndonjë aksidenti apo fatkeqësie tjetër, dëmtimi më të zakonshëm të alpinistëve, mund të evakuoheni vetëm me helikopter.
Shtëpia në rënie, Pensilvani (SHBA)
Ndodhet pikërisht në majë të ujëvarës, e rrethuar nga gjelbërimi i harlisur. Është ndërtuar nga arkitekti me famë botërore Frank Lloyd Wright, por me kalimin e viteve filloi të shfaqte defekte.
Rreth 11 milionë dollarë ishin të nevojshme për të eliminuar problemet – dyshemetë shumë të dobëta për të mbështetur strukturën dhe trarët që plasheshin nën peshën e shtëpisë.
