Sot shënohet 27-vjetorit i fillimit të Konferencës së Rambujesë.
Mbajtja e kësaj konference dhe pranimi i marrëveshjes që dali nga negociatat që janë zhvilluar brenda kësaj kështjelle franceze konsiderohet si një nga momentet më vendimtare në historinë moderne të Kosovës.
Për këtë konferencë dhe ndikimin e saj në ngjarjet e mëvonshme është shkruar shumë.
Përveç historianëve, për këtë ngjarje kanë shkruar edhe protagonistët kryesorë të konferencës.
Njëra nga ta është edhe ish-sekretarja amerikane e shtetit, Madeleine Albright, e cila është njohur si mike e madhe e shqiptarëve të Kosovës.
Ajo ka qenë njeriu kryesor që në vitin 1999 ka bindur delegacionin e Kosovës ta pranon marrëveshjen e Rambujesë.
Në librin e saj të kujtimeve “Madam Secretary”, Albrigt tregon detaje interesante për negociatat që ka zhvilluar me delegacionin e Kosovës.
Në këtë libër, ajo shkruan se si sh-kryediplomati italian Lamberto Dinit i kishte bërë presion të madh Hashim Thaçit, si udhëheqës i delegacionit të Kosovës.
Ajo ka shkruar se presioni ndaj Thaçit nga diplomati italian nuk ishte i drejt.
Sipas saj, anëtaret tjerë të delegacionit të Kosovës nuk bënin zë.
Madje, ish-kryediplomatja amerikane thotë se ish-presidenti Ibrahim Rugova, publicisti Veton Surroj dhe akademiku Rexhep Qosja ishin ulur si cunga.
“Ata kishin premtuar të përgjigjeshin pozitivisht, por kur erdhi momenti, Thaçi nuk dha përgjigje direkte. Kjo i hapi rrugë ministrit të jashtëm italian Lamberto Dinit, që gjithmonë kishte qenë kritik i madh i UÇK-së. Ai i bënte presion Thaçit jo vetëm që ta pranonte kornizën por edhe ta tërhiqte mbështetjen ndaj referendumit për pavarësi. Kjo ishte e padrejtë. Propozimi që e kishim zhvilluar u kërkonte kosovarëve ta shtynin, por jo ta braktisnin, aspiratën e tyre për pavarësi. Përsëri Dini shtynte Thaçin të përgjigjej me po ose jo në atë që për Thaçin ishte propozim i papranueshëm. Si rezultat, Thaçi as nuk e përkrahu kornizën dhe as nuk dha përgjigje direkte. Delegatët e tjerë të tij – Surroi, Rugova e Qosja – ishin ulur si cung, Surroi sepse nuk mendonte që i takonte të fliste, Rugova sepse e kishte ‘stil’ dhe Qosja sepse mendonte se Thaçi po e bënte gjënë e duhur”, thuhet në librin “Madam Secretary.
