Përpjekja e 13-të, sot vazhdon seanca konstituive e Kuvendit

Sot (e premte) do të mbahet vazhimi i seancës konstituive të Kuvendit të Kosovës. Kjo do të jetë përpjekja e 13-të për konstituimin e Kuvendit, konkretisht zgjedhja e kryeparlamentarit.

Vazhimi i seancës konstituive mbahet nga ora 10:00.

Të mërkurën, u regjistrua dështimi i 12-të me radhë i deputetëve për ta bërë një gjë të tillë, pasi nuk janë duke arritur ta zgjedhin Albulena Haxhiun për kryeparlamentare.

Komisioni për votim të fshehtë për kryeparlamentarin nuk kaloi as një ditë më parë pasi 56 deputetë votuan për, një kundër dhe nuk pati asnjë abstenim.