Kandidiati për deputet nga radhët e PDK-së me numrin 29, Perparim Gruda, ka thënë se “me dhembje të thellë, por edhe me krenari të jashtëzakonshme, sot, pas 26 vitesh pritjeje, në fshatin tim të lindjes, rivarrosëm eshtrat e kushëririt tim, Xheladin Kabashi”.

Ai ka thënë se Xheladini jetoi me ideale të mëdha dhe u bë pjesë e atyre që shkruan historinë tonë me sakrificën më sublime.

“Pas 26 vitesh pritjeje, Xheladini kthehet për të pushuar përgjithmonë në Polacin e tij të dashur! Me dhembje të thellë, por edhe me krenari të jashtëzakonshme, sot, pas 26 vitesh pritjeje, në fshatin tim të lindjes, rivarrosëm eshtrat e kushëririt tim, Xheladin Kabashi. Në moshë të re, si ushtar i Ushtrisë Çlirimtare të Kosovës, Xheladini dha jetën për lirinë e Kosovës.  Xheladini jetoi me ideale të mëdha dhe u bë pjesë e atyre që shkruan historinë tonë me sakrificën më sublime. Emri dhe gjaku i tij janë gurët e themeleve të shtetit tonë dhe kujtesë e përhershme e çmimit të lirisë. I përjetshëm qoftë kujtimi për Xheladin Kabashin dhe për të gjithë dëshmorët e kombit! Lavdi jetës dhe veprës së tij!”, ka shkruar Gruda në Facebook.