Anëtari i Kryesisë së PDK-së, Përparim Gruda garon për herë të parë si deputet të Kuvendit të Kosovës.
Gruda do ra mbajë numrin 29 në listën e PDK-së për deputet.
Me këtë rast, ai ka thënë se “kandidatura ime udhëhiqet nga një qëllim i vetëm: të promovojmë drejtësinë si themelin e shtetit dhe shoqërisë sonë”.
Postimi i plotë në Facebook:
Të dashur miq, kolegë dhe qytetarë të Kosovës,
Me krenari dhe ndjenjë të lartë përgjegjësie, kam kënaqësinë të shpall zyrtarisht kandidaturën time për Kuvendin e Kosovës, si pjesë e Partisë Demokratike të Kosovës.
Në listën zgjedhore do të më gjeni me numrin 29.
Kandidatura ime udhëhiqet nga një qëllim i vetëm: të promovojmë drejtësinë si themelin e shtetit dhe shoqërisë sonë. Besoj fuqishëm se së bashku mund të ndërtojmë një Kosovë më të mirë, më të fortë dhe më të drejtë.
Ju ftoj të gjithëve që të bashkoheni me mua në këtë mision.
Miqësisht,
Përparim Gruda
