Përjashtohen 4 deputetë të PD-së në Shqipëri për shkak të “kaosit në Kuvend

Sekretariati i Etikës i mbledhur këtë të mërkurë ka vendosur përjashtimin me 10 ditë nga seancat plenare dhe komisionet parlamentare për deputetët e PD-së: Flamur Noka, Flamur Hoxha, Bledjon Nallbati dhe Gazment Bardhi.

Ndërkohë për dy deputetet Sorina Koti dhe Albana Vokshin nuk është marrë asnjë masë.

Masa për deputetët është marrë nga Sekretariati i Etikës pas incidenteve të shkaktuara në seancën e të hënës. Në atë seancë ishte parashikuar votimi i buxhetit për 2024 dhe ndërsa deputetët e opozitës ndezën mjete që shpërndanin tym.

Ndërkohë që një flakadan shkaktoi nisjen e flakës në parlament, seanca u mbyll me miratimin në parim të buxhetit për vitin 2024