Përfundon dëshminë dëshmitari i 69-të i ZPS-së në rastin Thaçi dhe të tjerët

Në Dhomat e Specializuara të Kosovës (DhSK) në Hagë ka përfunduar dëshminë e tij dëshmitari i 69-të i ZPS-së i cili mban kodin W01336 në rastin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari është dëgjuar e tëra në sesion privat për publikun dhe përfundoi para se të shkohet në pushimin e drekës, raporton “Betimi për Drejtësi”.

Vlen të theksohet se ZPS-ja e përfaqësuar nga prokurori Cezari Mihalçuk njoftoi se për javën e ardhshme janë planifikuar që të dëgjohen dy dëshmitarë të cilët mbajnë kodet 03170 dhe 04410.