Përditësimi i fundit nga KQZ tregon se kush mund të bëhet deputet sipas votave

Komisioni Qendror i Zgjedhjeve ka sjellë edhe një risi të re me përditësimin e fundit të numërimit të votave të bërë në ora 16:34.

Sipas përditësimit të fundit janë numëruar 92.58% të vendvotimeve.

Përpos përqindjes së ndryshuar, KQZ-ja ka sjellë edhe një risi të re në faqen e saj.

Për dallim nga përditësimi i fundit mëngjesin e së enjtes, KQZ-ja pasditen e ka ndryshuar listën e kandidatëve për deputetë.

Tani, lista e kandidatëve për deputetë është e renditur sipas numrit të votave, e jo sipas rendit të listës së partive.

Kësisoj do të mësohet më thjeshtë se kush nga kandidatët ka siguruar mandatin e deputetit.