Futbollisti i Kosovës, Meriton Korenica është shprehur optimist para dy ndeshjeve të muajit shtator. “Dardanët” fillimisht i shkojnë Zvicrës e me pas e presin Suedinë në stadiumin “Fadil Vokrri”.
“Po përgatitemi maksimalisht për ndeshjen. Stërvitja ka shkuar shumë mirë ku të gjithë futbollistët janë të motivuar për këtë ndeshje. Shpresojmë të japim maksimumin dhe të bëjë një lojë të mirë, pasi jemi të vetishëm se do të jetë vështirë, presim rezultat pozitiv. Janë dy shtete me skuadra të vështira, por ne presim rezultate pozitive për faktin se kemi një grup të lojtarëve të mirë. Të gjithë jemi të motivuar dhe mezi po e presim ndeshjen. Atje ka shumë shqiptarë të presim përkrahje të madhe dhe me ndeshje të mirë do t’i kënaqim të gjithë ata që na vijnë për të na përkrahur”, ka thënë Korenica.
