Deputeti i Vetëvendosjes, Dimal Basha, ka vendosur t’i hyjë arkivës për ta mbrojtur shefin e tij nga kritikat shkaku i masave ndëshkuese të BE-së. Ai e ka cituar presidentin Rugova në një kontekst politik krejtësisht tjetër.
Basha ka uruar 2 korrikun duke nxjerrë nga ‘sirtari’ një intervistë të Rugovës dhënë për Der Spiegel në vitin 2000.
Aty, gazeta e pyeste çka nëse bashkësia ndërkombëtare këmbëngulte në integrimin e Kosovës në Jugosllavi.
“Atëherë do të ketë një luftë të ardhshme. Ne, të gjithë, pra i gjithë populli kosovar, do të ngriteshim në barrikada.”
Pra, gazeta po i bënte atë pyetje presidentit Rugova muaj pasi Kosova ishte çliruar nga UÇK dhe NATO dhe pas vuajtjeve të shumta nën okupimin serb.
E këtë situatë, Basha e krahason me situatën aktuale ku Kosovës nuk po i kërkohet që të integrohet në Serbi por që të depërshkallëzojë situatën në veri përmes disa hapave që nuk lidhen kurrqysh me pretendimin për sovranitet.
