Qindra mijëra qytetarë u mblodhën në sheshin ‘Times’ të New Yorkut, gjatë të shtunës mbrëma për të kryer ritet fetare me rastin e fillimit të muajit të Ramazanit.
Mbi 15 mijë shujta janë shërbyer në këtë shesh, për të shënuar ditën e parë të Ramazanit.
“Për myslimanët, nuk ka të bëjë vetëm me agjërimin, por ne në fakt po e bëjmë këtë që të mund të bëhemi më të afërt dhe më kontestues me krijuesin tonë, zotin tonë, Allahun,” tha njëri nga organizatorët e tubimit.
Ai tutje shpjegoi se pjesë të Kuranit recitohen çdo ditë gjatë Ramazanit deri në përfundimin e tij.
“Ne jemi këtu për t’ua shpjeguar fenë tonë të gjithë atyre që nuk e dinë se çfarë është Islami,” tha ai. “Islami është fe e paqes”.
Kjo është hera e parë në histori që në këtë shesh të New Yorkut po organizohet falja e natës (Taravi) nga myslimanët.
