Ka një lajm të mirë për fansat e sagës “Twilight” dhe sidomos ata që i përkasin skuadrës Jacob. Taylor Lautner, aktori i cili ka portretizuar njeriun-ujk më të adhuruar, nuk është aspak kundër idesë për të ‘ulërirë’ sërish drejt hënës.
“Është një personazh i mirë që është i thjeshtë për t’u dashur, kështu që nuk do t’i thoja kurrë jo”, tha Lautner për “E! News”. “Sepse është Jacob Black. Është një djalë i pëlqyeshëm”.
Por tashmë si një 30-vjeçar, 10 vite pas përfundimit të “Twilight”, Taylor e sheh personazhin të përfshirë në diçka tjetër. Herën e fundit që u shfaq në ekran, Jacob Black u lidh fort pas vajzës së Edward dhe Bella, Renesmee.
“Fund i lumtur me Renesmee sepse aty e lashë. Dhe po, ai është një tip shumë besnik”, tha ylli, i cili mendon se Jacob është thjesht “i lumtur diku” në të tashmen.
