Ish-lojtari i Real Madridit ka pasur nevojë për shumë dashuri dhe përkujdesje nga nëna e tij dhe e ka bërë këtë rrëfim në një intervistë interesante

Ish-yll i Real Madridit ka fjetur në të njëjtin shtrat me nënën e tij deri në moshën 17-vjeçare, përpara se të bëhej një nga lojtarët më të ashpër të futbollit.

Pepe, i njohur si një qendërmbrojtës i pamëshirshëm, i cili ka marrë shumë kartonë të verdhë dhe të kuq, është paraqitur 141 herë për Portugalinë, por në fakt është rritur në Brazil, përpara se të transferohej për të ndjekur karrierën e tij në futboll në moshën e tij të vonshme adoleshente.

Ai u bashkua me Cristiano Ronaldon gjatë një periudhe të shkurtër në akademinë e Sporting CP, përpara se të firmoste për klubin e Madeiras, Marítimo, ku bëri 64 paraqitje përpara se të kalonte te Porto, ku fitoi dy tituj radhazi në ligën portugeze.

Megjithatë, përpara se të bënte këtë lëvizje, mbrojtësi kishte ende nevojë për shumë dashuri dhe përkujdesje nga nëna e tij dhe vazhdonte të flinte në të njëjtin shtrat me prindërit, pavarësisht se fizikisht ishte tashmë i zhvilluar.

“Derisa erdha në Portugali, në moshën 17-vjeçare, flija me nënën time, kështu që imagjinoni si ishte [qesh],” tha ai për medien portugeze Tribuna Expresso.

“Tashmë isa i madh dhe flija me prindërit e mi, kështu që imagjinoj që babait tim nuk i pëlqente të më kishte aty [qesh].”

“Kjo është interesante: ditët e fundit po flisja me nënën time dhe ajo më tregonte se sa shumë më pëlqente t’ia kaloja dorën në flokë, dhe unë i thashë se ndoshta e ndjeja tashmë se do të kaloja shumë kohë larg saj.”

Pepe u bë një figurë e rëndësishme te Real Madrid, duke fituar disa tituj në La Liga dhe tre Liga të Kampionëve në 334 ndeshje gjatë një dekade në Santiago Bernabéu.

Oferta e Cristiano Ronaldos për Pepe

Pepe u largua për te Besiktas në vitin 2017 dhe kaloi dy sezone në Turqi përpara se të rikthehej te Porto për një periudhë të dytë. Por kur u bë e ditur se ai po largohej nga Real Madrid, Ronaldo u përpoq ta bindte të qëndronte dhe madje i ofroi para.

“Kam folur shumë me të dhe ai më tha të qëndroja te Real Madrid,” kujtoi Pepe në një intervistë për Renascenca.

“Por mendova se koha ime në klub kishte përfunduar, sepse ishte një periudhë shumë e lodhshme prej 10 vitesh, ku kisha sakrifikuar shumë kohë. U përpoqa t’ia shpjegoja se nuk mund të qëndroja më për shkak të vështirësive që po kaloja në atë kohë, dhe ai më tha: ‘Nëse është puna e parave, shok, unë do të heq dorë nga paratë e mia për t’i dhënë ty!’ Dhe unë i thashë jo: ‘Faleminderit Zotit, nuk është për këtë, është për arsye të tjera.’ Gjithashtu doja ta ndjeja sërish futbollin, dhe kaq, vendosa të shkoja në Turqi.”

Pepe, i cili mbush 42 vjeç këtë muaj, u tërhoq nga futbolli pasi përfaqësoi Portugalinë në Euro 2024.