“Pengim i drejtësisë”, Haxhi Shala transferohet në Hagë

Haxhi Shala ish-deputet i Kuvendit të Kosovës është dërguar sot në Hagë.

Këtë e ka konfirmuar avokati i tij, Xhevdet Smakiqi.

“Ka shku në Hagën në mëngjes. Në ketë fushatën që e ka nisë Gjykata Speciale është marrë Haxhi Shala. Akuzat që janë ndaj tij janë për pengim të drejtësisë dhe ndikim te dëshmitarët”, ka thënë avokati Smakiqi.

Ish-komananti i UÇK-së, Haxhi Shala i njohur si komandant “Topi”, u arrestua dje pasi Specialja kreu bastisje në pronat e tij dhe atë e dërgoi në zyret e EULEX’it në Fushë Kosovë.