Kryetari i KQZ-së, Kreshnik Radoniqi nga një qendër e votimit në Pejë në një prononcim për media ka dhënë detaje lidhur me procesin e votimit në Konsullatat e Kosovës të hapura për herë të parë edhe si qendra votimi për diasporën, raporton GazetaDemos.
Ai tha se në vendvotimin në Kroaci ka pasur një pengesë, pasi diku rreth 30 vota janë tërhequr duke mos i respektuar procedurat e KQZ-së.
Radoniqi po ashtu bëri të ditur se për të njëjtat presin rekomandimin e Sekretariatit, dhe pas rekomandimit të tyre pritet vendimi i KQZ-së.
“Për në Kroaci,e vetmja çështje që ka shku mos të them si pengesë, por nuk janë respektu procedurat është që vëzhguesit nuk kanë qenë prezente. Bëhet fjalë për diku rreth 30 vota. Personat që i kanë tërhequr janë të autorizuar nga KQZ, dhe i gjithë stafi diplomatic në qendrat e votimit, në vendet ku kemi hapur adresa, janë zyrtar të autorizuar nga KQZ-ja dhe ata I kanë tërhequr, por një gabim është bërë që s’janë njoftuar vëzhguesit”
“Lidhur me këto vota do të ketë rekomandim nga Sekretariati dhe pas rekomandimit do të marrim vendim në KQZ”, tha Radoniqi.
