Republikani ka akuzuar Trumpin për mosbesim ndaj kushtetutës amerikane dhe për braktisje të vlerave konservatore, raporton BBC.
Ish-guvernatori dhe kongresmeni i Indianes e ka nisur zyrtarisht fushatën e tij për në Shtëpinë e Bardhë këtë të mërkurë.
Lëvizja e vë atë përballë kandidatit të cilit ai i ka shërbyer si zëvendëspresident nga 2017 deri më 2021.
Në një fjalim në Ankeny, Iowa, Pence argumentoi se Trump kishte inkurajuar turmën ta sulmonte Capitolin më 6 janar 2021 dhe kishte pohuar gabimisht se Pence kishte fuqinë për të përmbysur rezultatin e zgjedhjeve.
“Populli amerikan meriton të dijë se atë ditë, Presidenti Trump kërkoi gjithashtu që unë të zgjidhja mes tij dhe kushtetutës”, tha ai.
“Tani, votuesit do të përballen me të njëjtën zgjedhje: Unë zgjodha kushtetutën dhe do ta bëj gjithmonë.”
Ai shtoi se veprimet e Trumpit më 6 janar duhet ta diskualifikojnë atë nga kthimi në pushtet.
“Unë besoj se kushdo që vendos veten mbi kushtetutën nuk duhet të jetë kurrë President i Shteteve të Bashkuara. Dhe kushdo që i kërkoi dikujt tjetër t’i vendoste ato mbi kushtetutën, nuk duhet të bëhet më kurrë president i Shteteve të Bashkuara”.
