Ministri në detyrë i Bujqësisë, Faton Peci, humbi çdo kontroll institucional dhe etik, duke u lëshuar në fyerje të ulëta ndaj gazetarit Lirim Mehmetaj – vetëm pse ky i fundit zbuloi një aferë të dyshuar korruptive që, sipas raportimit, i ka shkaktuar shtetit një dëm të rëndë prej 60 milionë eurosh.
Në vend që të ofrojë sqarime për kontratën e dyshimtë që lidhet drejtpërdrejt me ministrinë që ai drejton, Peci zgjedhi ofendimet përmes një reagimi në Facebook.
Kontrata, sipas Mehmetajt, përmban shkelje të rënda ligjore në pothuajse çdo rresht. Ai e cilësoi këtë rast si një nga veprat më të rënda korruptive, të shkaktuar nga një kontratë e lidhur me një kompani të sapoformuar private.
“Qikjo është një kontratë, kontratë publike ‘Funksionalizimi i objekteve për përpunimin e produkteve shtazore’ e arritur më 10.01.2025. Befasi, kjo është kontratë e nënshkruar prej Faton Pecit dhe një kompanie private. Kam parë krime të ndryshme, por qesi niveli të krimit ku secili rresht i kontratës është krim më vete, unë kurrë nuk kam parë. Dëmi total është diku rreth 60 milionë euro.” – tha Mehmetaj mes tjerash.
Postimi i plotë i Pecit:
Sa ma shumë që goditet krimi, aq më shumë po ‘pallë’ Lirimi!
Lirim M tregoji opinionit ku ke qenë i ftuar dje dhe për çka:
Dil, Lirim M. Zëdhënës i Krimit, tregoji prokurorisë e hetuesisë se ku është ndërlidhja e shtëpisë së Presidentes me Ministrinë e Bujqësisë dhe Faton Pecin!
Dil e trego, se si ia paskam ndërtuar shtëpinë, jam kurioz me ditë.
Trego Lirim M. ku janë paratë e Operatorit Ekonomik “Apetit” që i paskam marrë unë!
Dil, Lirim M. trego se si 10 vjet fabrika për përpunimin e mbetjeve shtazore nuk është funksionalizuar sa ka kushtuar pse nuk është funksionalizuar dhe sa është dëmtuar buxheti i shtetit çdo vit.
Vazhdo ti me tënden, a unë gjithë me temën, unë me e goditë krimin, e ti vazhdo zanatën tënde!
“60 milionë euro dëm”: Mehmetaj nxjerr kontratën ilegale të Faton Pecit me një kopmani private
