Drejtori i Institutit Kosovar për Kërkime dhe Zhvillime të Politikave (KIPRED), Lulzim Peci tha se njohja e Kosovës nga Rusia është duke u diskutuar në SHBA.
Sipas tij, nëse Shtetet e Bashkuara të Amerikës e njohin Krimenë si pjesë të Rusisë, do të ndikojë në ndryshimin e kufijve në Kosovë dhe në Bosnje.
“Më duket absurde, por më duket se çmimi për të ka me qenë që edhe Rusia me njohtë Kosovën. Sidomos nëse SHBA e njeh Krimenë si pjesë të Rusisë, dhe e dyta mundet me qenë edhe pjesa e ndryshimit të kufijve që mundet me u reflektu sidomos në Kosovë dhe në Bosnje”, tha Peci, për Klan Kosova.
Ai ndër të tjerash dha opinionin e tij lidhur me rolin e Turqisë në mbikëqyrjen e Ballkanit, duke thënë se Turqia nuk është “aq fuqi e madhe sa po transmetohet”.
